خطيبي سابني بسبب عمليه ولكن ربنا اكرمني

الشخصية الايجابية عن قصة حقيقة عنوانها خطيبي سابني لكن ربنا سبحانه وتعالى عوضني، يا جماعة انا من ٥ سنين اتخطبت لواحد بس في الوقت اللي حصل فيه الارتباط، كان والدي تعبان صحيا جدا وكنت انا وهو داخلين نعمل عمليه كبيرة.

بدايه حكايتي مع خطيبي

والدي كان مريض كبد وكان محتاج يعمل عملية زرع كبد وانا كنت المتبرعة لوالدي، اللي كان متقدملي كان ارتباط عن طريق معارف لوالدي علشان كدة والدي كان مرحب، لانه بمعني اصح كان نفسه يطمن عليا.

خطيبي سابني

انا والشخص ارتحنا نفسيا لبعض وانا حكيتله كل شيء عن ظروف العملية قبل ما تتم اي خطوة في ارتباطنا علشان دة من حقه ووافق بقيت طايرة من الفرح ومطمنة ارتباطنا شهر قبل ما ادخل العملية باسبوعين الشخص دة فضل يبعد لحد ما قطع طبعا سالنا في ايه قال انه مش عاوز يكمل بدون ما يقول سبب وبعتلي انا رسالة يقولي انه مش مجبور يتجوز بنت هيكون في جسمها جرح كبير وتكون عملت عملية كبيرة بالشكل دة.

طبعا اتصمدت ومش بلغت اهلي بالرسالة دي علشان مش اتعب بابا كفاية اللي فيه، لكن كنت بموت حرفيا من الصدمة وخصوصا اني كنت حبيته بسرعة مش عارفة ازاي ولا ليه، كان معايا خطوة خطوة في تحضير العملية واهلوا كانوا هيموتوا عليا بمعنى اصح لدرجة اني بعد ما رجعت من العملية لانها مش كانت فالقاهرة اتوا وسلموا على ويطمنوا علي ويعزوني لان بابا اتوفى بعد العملية بشهر الله يرحمه.

كريم ربنا بعد ما خطيبي تركني

يأتي الجزء الايجابي في قصة خطيبي سابني ، بعد سنة من وفاة والدي وبعد ما خلصت المتابعة بعد العملية واطمنت علي نفسي اني طبيعية الحمد لله، اتعرفت علي شخص عن طريق شغلي واللي عرفنا علي بعض اخته اللي هي صحبتي فالاساس، واشتغلنا مع بعض.

طلب زواج بعد فسخ الخطوبة

اقسم بالله بعد معرفتنا ببعض باسبوع كان بيطلبني للجواز ومش كنا عارفين امتي ولا ازاي حصل الحب والاعجاب وفي خلال اسبوعين بالظبط اتخبطنا واتجوزنا بعد ٨ شهور وحاليا معايا بنوتة ربنا يباركلنا فيها يارب، وربنا كرمني بع ما خطيبي سابني والحمد لله.

ربنا عوضني بزوج واطفال

بقالنا ٣ سنين متجوزين ربنا عوضني به عن الدنيا والتعب اللي شوفته اكتر حاجة ربنا عوضني بها فيه انه في منه من ابويا كتير فالشخصية واهله بيحبوني الحمد لله غير باباه بيحاول مش يخليني احس بعدم وجود بابا اكيد طبعا بيحصل بينا خلافات وكل حاجة زي اي اتنين متجوزين بس الحمد لله بنوقف ونحل سوة عرفين لما حكيتله علي العملية وخطيبي الاولاني اللي سابني.

سبب الزواج

قالي ان اصلا اول حاجة خلاه يرتبط بيا العملية اللي عملتها مع والدي الله يرحمه وان الجرح دة احلي حاجة فيا وان عمره ما ينفر منه ولا اي حاجة اصلا.

الخلاصة واسفة لو طولت عليكم بس موضوع ان البنت تزعل لما تقول خطيبي سابني، ربنا مش بيعمل حاجة وحشة لحد ولا بيمنع حاجة عن حد الا لو مش هتنفعه او فيها ضرر طالبة منكم تدعولي انا وجوزي ربنا يهدي سيرنا ويهدينا لبعض ويباركلنا في بينتنا ويرزقنا.