الرئيسية / الحياه الاجتماعيه / نصايح لواحد طلق عشان هو مش بيخلف

نصايح لواحد طلق عشان هو مش بيخلف

واحد طلق مراته بعد ما اكتشف انه مش بيخلف وأنها قعدت تعمل مشاكل معاه وكل شويه تزعل وتروح لأهلها، لكن هو مقدرش يقعدها معاه غصب عنها رغم انه كان بيحبها وكان من اول من اتجوزها اعتبرها شريكه حياته المستقبلية دايما، فهو عايز بتجوز تاني خصوصا انه صغير وراح أتقدم لواحدة لكن هو حاسس انه لسه بيحب طليقته اللي تركته ومش عارف يعمل ايه وإليك نصائح مختلفه قد يكون منها الصحيح او حل خطأ، على فكره البنت اللي اتقدمتلها الثانية مطلقة وعندها ابن.

____________________________

كيفية التعامل مع المرأة المطلقة

انت ازاي لسه بتحب واحده باعتك المفروض كرامتك متسمحلكش، حتي تفكر فيها لانك بالنسبالها ولا حاجه هي لو كانت فعلا بتحبك مكانتش سابتك مهما حصل اللي بيعك بيعه وارمي وراه قلة كمان.

بالنسبه للموضوع التاني اتخطبوا فتره كويسه عشان تعرفوا اسلوب بعض بلاش تسرع فالجواز، ومتحاولش تتجمل قصادها خليك علي طبيعتك عشان تبقي قبل الجواز نفس الشخص بعد الجواز وهي متتصدمش، متفكرش فاللي باعتك تاني لما تيجي علي بالك افتكر انها مش بتحبك وربنا يصلح حالك.

لما قلت ان زوجتك السابقة كانت بتفتعل المشاكل انا حسيت ان فيه اسباب تانيه غير موضوع الخلفة، الست ماتسيبش جوزها لوكان كويس وحنين وبيحبها كدا بسهوله وخصوصا انك في مرحلة العلاج يعني مش ميئوس من حالتك.

وبالفعل حضرتك وضحتلنا الاسباب الاخري وهي عصبيتك اللي طفشت زوجتك منك وهتطفش التانيه ايضا.

كيفية التعامل مع الزوجة المطلقة
خاتم الزواج

حاول تغير من طباعك وبدل ماتقول عايز واحده تتحملني، قول عايز واحده تكون لي زوجه وصديقه واكون لها زوج وصديق.

ونصيحه ياريت تأجل الموضوع دا حتي تكون مهيأ نفسيا عشان ماتظلمش حد معاك.

انسي زوجتك المطلقة الان منك

لازم تشفى من التجربة الاولى تماما قبل متدخل فتجربة تانية هو صحيح حب بيمحى حب وذكرى بتمحى ذكرى، بس لازم يكون قلبك فاضى ومستعد تحب وتتحب، ماهو برضة الست دى ملهاش زنب انت معلق نفسك بواحدة باعتك لية، اصلا عندك سبب كافى انك تنساها وتبدء من جديد وصلى استخارة مرة واتنين وتلاتة وانسى باى شكل ومتتسرعش وتظلم نفسك وتظلم حد معاك وربنا يقدملك اللى فية الخير.

عن Mohamed Hassan

مهندس يحب أن ينشر ما هو مفيد بعيداً عن اي مشاكل، بل العكس احب أن أضع لكم ما يجعل الحياة أفضل من خلال كلمات تصل للقلوب والعقول بفائدة حقيقة.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *