الرئيسية / عالم الحيوانات / مشروع تربية الحمام الفرنسي والبلدي بالتفصيل

مشروع تربية الحمام الفرنسي والبلدي بالتفصيل

مشروع تربية الحمام الفرنسي هام حيث يعتبر مشروع  الحمام الفرنساوي مصدر رزق للكثير ونتحدث عن دراسة أرباح مشروع تربية الحمام الفرنسي مع الحمام البلدي مع شرح دراسة جدوى صافي الربح وطبيعة اكل مشروع تربية الحمام الفرنسي والبلدي و سنكون تتحدث عن كميه كبيره من المعلومات بدون كلام كثير ليس لها ادعي مع معرفه الفرق بين مشروع تربيه الحمام البلدي والفرنسي في مصر 2019.

مشروع تربية الحمام الفرنسيل الكلام عنه كتير وهنلخص الكلام ده في كلمتين افضل مشروع حمام ينجح معاك هو الفرنساوي اللاحم، طب ليه الحمام الفرنساوي في ميزه مش موجوده في باقي الحمام عشان كده العيون والطلب علي تربيته كبيره.

مميزات مشروع تربية الحمام الفرنسي

طب ايه الميزه دي
انتو عارفين ان زغاليل الحمام الفرنساوي فرد الزغلول الواحد بيبقا نص كيلو واكتر يعني جوز الزغاليل بيوزنو كيلو واكتر
طب مافي ناس هتقولي ان الحمام الرومي والروماني في نفس الميزه دي وزغاليلهم بتكون نفس الوزن
بس الي انت متعرفهوش ان الرومي والروماني والكينج وجميع سلالات الحمام الي حجمها عالي وبتنتج زغاليل كبيره ان من اكبر عيوبها انها قليلة الانتاج.

الفرق بين الحمام الفرنسي وبقية الحمام

يعني ايه الكلام ده يعني الرومي والروماني والكينج والسلالات الحجم العالي بتنتج ثلاث او اربع بطون في السنه فقط ومعظم بيضه بيبوظه وممكن ماتاخدشي منه ولا بطن كمان.

هنا بقا اكلمك علي ميزة الحمام الفرنساوي

هي حمامه كبيرة الحجم تنتج زغلول كبير الحجم حمامه بيضه لا تحتوي علي اي زفاره لحمها مقبول عن اي لحم حمام تاني
من اكبر مميزات الحمامه الفرنساوي انها حمامه سريعة التكاثر والانتاج ركز في الكلمتين دول عشان دول اهم حاجه

تربية الحمام اللاحم في مصر

انها حمامه سريعة التكاثر والانتاج يعني الحمام بينتج في كل ٧٠ يوم بطنين حمام يعني في معدل كل ٣٥ يوم بطن حمام يعني ينتج بمعدل من ١٠ ل١١ بطن حمام في السنه
طب ازاي، لذلك مشروع تربية الحمام الفرنسي اللاحم أفضل من كمية الخلفة عن مشروع تربية الحمام البلدي.

هقولك ازاي الحمام الفرنساوي البيور اللاحم اطلق عليه اسم لاحم لانه بيلحم العش بالعش او بمعني اوضح ان بينتج البطن واول ما الزغاليل بتاعته بتم ١٣ او ١٤ او١٥ او١٦ يوم بيبيض من جديد وبيحضر لعش جديد وانتاج بطن تاني يعني مش بينتظر لما ابنها يتفطم وبعدين يبيض زي باقي الحمام.

ايه ياعم ده هو في كده، اه في كده ياعم بقولك ايه خلينا في الحمام البلدي الي نعرفه احسن مانعرفهوش
ماله يعني ما نعمل مشروع حمام. بلدي وننتج زغلول بلدي.

هقولك فعلا عندك حق
هقولك اعمل تجربه بسيطه بنفسك
جيب جوزين حمام بلدي او جمعيه
وجيب جوزين حمام فرنساوي لاحم
واعمل مقارنه بينهم لمدة خمس شهور

دراسة جدوى مشروع تربية الحمام البلدى 2019

هتلاقي النتيجه كالتالي بعد عمل المقارنه ويطلعلك دراسة جدوى مشروع تربية الحمام البلدى 2019 بسيطة إن مشروع تربية الحمام البلدي خلال الخمس شهور هتلاقيه انتج بطنين فقط، لكن مشروع تربية الحمام الفرنساوي اللاحم خلال الخمس شهور هتلاقيه انتج خمس بطون.

اسعار زغاليل الحمام البلدي والفرنسي 2019

الحمام البلدي جوز الزغاليل وزنهم من ٤٠٠ جرام ل٦٠٠جرام
الحمام الفرنساوي جوز الزغاليل وزنهم من ١٠٠٠ جرام ل١٢٠٠جرام

الحمام البلدي هتبيع جوز الزغاليل من ٣٥ الي ٤٥ جنيه
الحمام الفرنساوي هتبيع جوز الزغاليل من ١٢٠ ل١٨٠

الحمام البلدي تسويقه شعبي
الحمام الفرنساوي تسويقه للهواء وللمطاعم وللهايبرات

الحمام البلدي بيخسر ومبيجبشي حتي مصاريف اكله
الحمام الفرنساوي مكسبه عالي وفاتح بيوت ناس كتيره

تكاليف مشروع تربية الحمام البلدي والفرنسي

تكاليف التربيه والاكل متقاربه بين البلدي والفرنساوي بس الفرنساوي بياكل زياده شويه

مشروع الحمام الفرنساوي ٥٠ جوز يدخلو مكسب شهري صافي من ٥٠٠٠ الي ٨٠٠٠جنيه
دا رابط فيديو الشغل وتنفيذ العنبر https://youtu.be/lVmqUlrKzd4

منقول للامانه وللاستفسار والتواصل مع أ /خالد الفخراني، يوجد واتس اب على نفس الرقم ياجماعه واسف من دلوقتي لو كنت مشغول بالتليفون أو لتأخير في الرد
01069104196

عن Mohamed Hassan

مهندس يحب أن ينشر ما هو مفيد بعيداً عن اي مشاكل، بل العكس احب أن أضع لكم ما يجعل الحياة أفضل من خلال كلمات تصل للقلوب والعقول بفائدة حقيقة.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *