سعر جهاز الماهوكر لقيت أحد الأشخاص المحترمين بيتكلم عنه وقلت أكتبه هنا عشان لو حد بيبحث عن سعر جهاز الماهوكر بكام بره المستشفيات.
سعر جهاز الماهوكر
250 جنيه واللي قال كده واحد ربنا يشفي والده كان تعبان وذهب الي المستشفى وطلبوه منه، وبيقول ويسكمل مشكلته لحد لما روحنا القصر العيني وقابلنا دكتور اسمو احمد الجبالي تخصصو جراحة قلب وصدر قالنا متمشوش من المستشفى خليكو لحد بكرا الساعة 8 الصبح هجيبلكو معاد للعمليه فضلنا بايتين برة المستشفى في العربية لحد لما دخلنا تاني المستشفى الساعة ٨ كلملنا دكتور اسمو محمود عبدة نائب جراحة قلب وصدر نزلنا الساعة 1 بعد الضهر جيه شاف بابا بعد ما عملنا اشعة مقطعيه سحب عينة بسرنجة من المايه اللي جو الرئة عشان يوصلها ويعرف هي ايه قولنالو مش هتقدر توصلها قالنا لا هقدر عشان بابا عندو المشكلة في الغشاء البلوري سميك وعليه تجمعات دمويه مفيش اي سرنجة بتقدر توصل للغشاء دا.
حاول وفضل يشكشك فيه اد كدا وفي الاخر موصلش لحاجة قالنل هطلع استشير اللجنة وارجع لكو رد علينا الساعة ٣ قالنا هنركب جهاز اسمو ماهوكر ١٢ روحو اشتروه من بره المستشفى وتعالو كلموني
معرفش ازاي مستشفى طويله عريضة مفهاش جهاز ماهوكر ثمنو ٢٥٠ جنيه (سعر جهاز الماهوكر بكام) يعني ولا حاجة !!!
روحنا اشترينا الجهاز ورجعنا نزلنا الاستاذ الفاضل دكتور محمود عبدو الساعة ٥ وربع وبابا ركب الجهاز من غير بنج وفي الاستقبال !!!!!!! من غير ما يدخلو اوضة علي الاقل يعملو فيها العمليه دي عمليه بفتح بخياطة انتو متخيلين !!! ربع ساعة بابايا بيتوجع وهو حاسس بكل خطوه هو بيعملها عشان يركب الجهاز في الرئة.
اللهم اشفي كل مريض يارب العالمين إنك عز وجل على كل شيء قدير، اللهم إنّى أسألك من عظيم لطفك وكرمك وسترك الجميل، أن تشفيه وتمدّه بالصحّة والعافية، لا ملجأ ولا منجا منك إلّا إليك، إنّك على كلّ شيءٍ قدير.
