الرئيسية / الحياه الاجتماعيه / افكار هدايا للرجال غير تقليدية مجنونه غير مكلفه للبعض

افكار هدايا للرجال غير تقليدية مجنونه غير مكلفه للبعض

افكار هدايا للرجال غير تقليدية سوف نتحدث عنها لان ردا على سؤال بيتكرر كتير من الزوجات هما الرجالة بيحبوا هدايا ايه تفرحهم؟ تكون هدية غير تقليديه ويا سلام لو غير مكلفه بشدة في السعر وفي أفكار هدايا مجنونه للرجال ممكن تعجبك حسب طبيعة جوزك.

افكار هدايا للرجال غير تقليدية

ونظرا لأن الهدايا الرقيقة الحلوة الرومانسية في نظر الستات عادة بتكون تافهة في نظر الرجالة اللي لازم يتظاهروا في استقبالها بكل بهجة لأنها هدية والراجل بيتخوف جيصة انه يصرح برأيه عشان مايبقاش قليل الذوق .. ونتيجة لده الستات بتفهم ان الهدايا الساذجة اللي بتفرحهم وبيهادوا بيها بعض دي هي كمان بتفرح الرجالة وهكذا فضلنا دايرين في هذه الحلقة المفرغة منذ فجر التاريخ.

لذا نتطوع نحن الرجال من جروب شباب بيحب مصر بجد بالتعاون مع أبناء جمعية محبي حلاوة العنتبلي في سرس الليان بسرد قائمة للهدايا السهلة البسيطة اللي بتفرح وتفاجئ الراجل وكتير منها يعتبر ال wish list بتاعته، تختاري منها اللي يناسبه وتناسب ميزانيتك :

أفكار هدايا للرجال مجنونة

يمكنك أن تقومي بشراء 4 فرد كاوتش جديدة عشان العربية بتاعت الراجل جوزك ما قطع الغيار دي بتبقى متعبه ليهم بس اوعي يضحك عليكي وممكن كمان تشتري حاجات من اللي بتتلف في العربية بسرعة مثل مساعدين أو تيل فرامل مثلاً وهذه تعتبر هدايا غير متعبه للرجال.

قسط من اقساط العربية مفاجئة. – العربية نفسها – لو ابوكي ثري عربي هاتيله تسلا – تفاجئيه مرة بإصلاح سباكة وكهرباء البيت العطلانة بقالها شهور ومن افكار هدايا للرجال غير تقليدية إنك تسيبيه اسبوع كامل يخرج مع صحابه بدون مساءلة. – تسيبيه اسبوعين كاملين سرحان في الموبايل بدون مساءلة. – تسيبيه جمعتين واتنين ويك اند يمارس حقه الطبيعي في النوم والراحة أو زي ما يحب بدون إزعاج ولا خروجات.

دلوقتي سوف أضع لكن مجموعة من افكار هدايا للرجال غير تقليدية وممكن تكون اجزاء من الهدايا غير مكلفه للبعض منكن يا نساء وبحب اقدم الشكر للأستاذ احمد بدر على طرح الكلام والأفكار الرائعة هذه والدم الخفيف.

أفكار هدايا للرجال 2022

  • جركن زيت موبيل 5000 أو 10000 كم.
  • طقم فلاتر للعربية.
  • تيل فرامل لو محتاج يغيره.
  • شنيور بوش أو بلاك أند ديكر وعدة مفاتيح ومفكات وشواكيش وكماشة وبنز.
  • عدة بوش منشار دائري و مكنة صنفره.
  • منشار اركت .
  • حذاء سيفتي للشغل.
  • عدة الأمان النضاره و الجوانتي و الجزمه السيفتي.
  • جهاز قياس أبعاد (متر) يعمل بتقنية الليزر.
  •  اكس بوكس series x 1 تيرا مع فيفا آخر إصدار، مع كرسي وعجلة قيادة لألعاب العربيات.
  • بلاي ستيشن فايف. ومعاه VR kit وشوية جيمز على جنب.
  • كيبورد وماوس Logitech وايرلس.
  • تشكيلة اكسسوارات للعربية(معطر – ملمع-ميدالية- حامل موبايل- شاحن مالتي-كاميرات سنسورز- مكنسة كهربية محمولة قابلة للشحن- منفاخ كهربائي)
  • لو الدرون مسموح به في البلد ممكن يكون افكار هدايا للرجال غير تقليدية لكن في مصر ممنوع.

أفكار هدايا للرجال رومانسية

  • تقعدي شهر من غير زن أو نكد أو لو كنت مهتم كنت عرفت لوحدك.
  • – كرسي استرخاء recliner أو كما يعرف بال lazy boy ويفضل يكون كهرباء.
  • لابتوب أبل ماك برو آخر مودل.
  • شنطة لابتوب نضيفة وبراند.
  • جهاز هواوي بيشتغل راوتر محمول وباور بانك 10000 ميللي امبير في نفس الوقت
  • شراء تيشيرت رياضي أصلي للنادي اللي بيشجعه.
  • تطبقي له ١٠٠/٢٠٠/٥٠٠ دولار في جيبه.
  • هديه بيانات محفظة الكترونية فيها 500 دولار بتكوين لو بتفهمي في الحوار ده.

هدايا للرجال الكبار

ممكن لو عايزة هدايا للرجال الكبار تأخذيه في عزومة عند البرنس لو بيحبه مثلاً او المطاعم الهادية كمان احسن، وممكن ساعة ومحفظة مع حذاء او شنطه.

تعتبر هدايا طقم شنطة كروس براند مع محفظة – طقم شنط سفر شيك – شنطة أو طقم شنط كاتربيلر. – نضارة شمس براند كويس – جهاز بي إن سبورت معاه اشتراك سنة + اشتراك كاس العالم – اشتراك سنة نت فيلكس – شاشة LED سوني ٦٥ بوصة 4K – جهاز أبل او جوجل TV.اعطال اسبرانزا a113 

ساعة ابل ووتش بخمس ست اساتيك غيارات الوان واشكال مختلفة.
ايفون 11 برو اكيد من افكار هدايا للرجال غير تقليدية لكن غالي طبعا وأنا عن نفسي لا احب الأيفون.

تعتبر هدية عجلة رياضية باكسسواراتها بالسيفتي جاردز من افكار هدايا للرجال غير تقليدية تعجيه لو راجل رياضي ويسلام لو نفسه فيها مثلاً.

هدايا رجالي تعجب الراجل

كاميرا بروفشنال Camera canon 5D Mark 4 مثلا.
عدسات للكاميرا لو عنده الكاميرا.
كوتشي أو تريننج سوت اديداس.
جزمة تمبرلاند.

من مجموعة تنظمي له دورة فيفا في البيت مع اكل ونقانق وتسيبيه مع صحابه وتاخدي الأولاد وتقعدي اسبوع عند مامتك – تعملي له مفاجئة وتدفعي له قسط من مصاريف مدارس الأولاد – هارد اكسترنال ٢ تيرا على الأقل. – سماعات وايرلس مش مضروبة.

برفانات ريحتها حلوة هدية للرجال

  • هيريرا 212
  • كريد اڤنتوس
  • سوڤاچ ديور
  • شانيل بلو
  • مون بلون ١٠٠ مم

ولو بيجب يلبس تيشرتات

  • تيشيرت بولو تومي.
  • رالف لورين.
  • لاكوست.

افكار هدايا غير متوقعه بس ممكن غاليه

لو حد من والديه متوفّى تصدّقي له ببئر في أفريقيا أو مصر كصدقة جارية باسمه ويا سلام لو بيحب الصيد هاتيله عدة صيد نضيفة، لو بيحب الچيم هاتيله بروتين او اشتراك 3/6 شهور في جولدز جيم.

لو مدمن قهوة هاتيله مكنة اسبرسو، أي حاجة كان نفسه فيها بس مأخرها عشان أولويات أهم لو بيحب لعب في نظرك تافهة ومش بيعرف يجيبها ( بازل / عربيات او طيارات بالريموت/ شخصيات سوبر هيرو) وتعتبر افكار هدايا للرجال غير تقليدية ومجنونه كمان.

ونوصي بشدة تقديم الهدايا ملفوفة في ورق عنب في جو رومانسي هادئ مزيّن بحلل المحشي وتورتة فتة الموزة الضاني على أضواء شموع الممبار والطرب وعلى أنغام طشة الملوخية عشان تكون هدية مجنونة من مجموعة افكار هدايا للرجال غير تقليدية بجد. الغساله تسحب الماء ولا تبدا اي برنامج ولا تدور

مع التجنب الكامل للورود والكروت والأظرف والرسايل وأكياس الورق والبوكسات الحمرا والهيليم والبلالين والدباديب والجليتر والقلوب والشموع والدموع. الحاجات دي اتعملت عشانكم أنتم انما مش بتاكل معانا احنا بسحتوت.

وصلنا تعليق مكرر من صديقات البرنامج: “ومش عايزين DVD؟”
في الحقيقة مش بنطلب ماركة معينة لكن لا يقل سبعة انش اندرويد سيستم يحتوي على بلوتوث وجي بي إس سعة تخزين 500 جيجا على الأقل.

وشكرا جزيلا لسعة صدركم ويارب نكون قدرنا نساعدكم في اختياراتكم القادمة. تقبلوا مرورنا مع تحيات أبناء الرابطة.

عن Mohamed Hassan

مهندس يحب أن ينشر ما هو مفيد بعيداً عن اي مشاكل، بل العكس احب أن أضع لكم ما يجعل الحياة أفضل من خلال كلمات تصل للقلوب والعقول بفائدة حقيقة.

اترك تعليقاً

لن يتم نشر عنوان بريدك الإلكتروني.