الرئيسية / معلومات عن السيارات / عيوب تجربة لادا جرانتا من اراء الناس

عيوب تجربة لادا جرانتا من اراء الناس

لو بتحب الاوبشنز الكتير فى العربية بلاش
لو معاك فلوس تجيب عربية اعلى منها بلاش
بس انا كم تجربتى ليها مش فارق معايا الاوبشنز يهمنى اكتر الاساسيات زى سعر العربية معقول ان فيها فرامل abs التكييف فيها كويس جدا قطع الغيار متوفرة العربية عالية عن الارض بشكل ملحوظ وده بينفعنى جدا لما بمشى فى الطرق جوا البلد بصراحة فرق ملحوظ لو بتحب السرعات بلاش بردو دى اخرها ١٤٠-١٥٠ بالكتير اكتر من كدا مش هتحسها ثابتة اوى بس ده معقول يعنى ومناسب اصلا اكتر من كدا تهور كمان الفتيس بتاعها كويس معايا حتى الان حاليا بتاخد بنزين كتير شوية لانها لسه جديدة بتلين سمعت ان مع الوقت هيقل استهلاكها فيها بلوتوث 😀 وطبعا موديل السنة ده الجديد جديد بردو انا بحب الجديد احسن ما اجيب اى حاجة مستعملة عن نفسى وشوف بردو لو عايز تسال عن حاجة انا بقالها معايا حوالى ٥ شهور استعمال متوسط سافرت بيها حوالى ٥ مرات او ٦ وكانت كويسة الحمد لله.

 

لو معاك فلوس تجيب اعلى منها هات وابعد عنها

ولو هتجيبها وتحسبها عليك عربيه ومعتقد انها كلها اوبشنات ف تبقا غلطان

العربيه يعتبر راكب ١٢٨ بس شكل حديث وبتكييف لكن ك عربيه وكده ف انت مش هتلاقى فيها اى اوبشنات

قطع غيارها نار جدا وهتخليك تندم انك جيبتها

م الاخر العربيه الميزه الوحيده اللى فيها انها احسن عربيه ف الوقت الحالى لانها سعرها معقول وموفره ف البنزين

 

وف الاخر ي ريت لو تحط ع الفلوس شويه وكمان وتجيب حاجه غيرها.

 

كويسه وحلوه وكل حاجه بس سعرها بقي مبالغ فيه وللامانه دلؤقتي سعرها وحش ومبالغ فيه وممكن تجيب اوبترا بأقل من سعر الجرانتا وبرضه زيرو وكأنتشار اكتر وافضل.

 

انا ركبت عربيات كتير جدا الغالي والرخيص واللادا معايا بقالها سنه ونص ومش هبيعها ولو بيعتها هاجيب لادا برده بس جديده اتوماتيك لان اللي معايا مانوال ومن الآخر بقول الكلام ده لاي حد ومع كامل احترامي اللي بيزكر عيوب فيها وبس حاجه من الاثنين ياإما أول مره يركب عربيه او معدوم الخبره والتجارب من الأساس.

كويسه جدا بالنسبه لسعرها وامكانيتها قطع غيارها متوفره الجديد كتير ومعقول

استهلاك البنزين الي حد ما معقول جداً

انا اخر مره مونت فاسكندريه وسافرت القاهره وتحركت في محيط المنطقه ورجعت تاني اسكندريه ومونت تاني يووصولي.

 

نصيحه بلاش

ليه علشان ما شاء الله عربيه كويسه

وعلشان كل لم الناس بجيبها سعره بيغلي

وعلشان بتركب عربيه زيرو بتمن عربيه مستعمله

وعلشان فيها حاجات مش موجوده في عربيات كتيره اخده شهره على الفاضي

نصيحه من غير ما تسأل لان القرد في عين امه غزال

لف لفه على كل جروبات العربيات وانت تعرف.

عن Mohamed Hassan

مهندس يحب أن ينشر ما هو مفيد بعيداً عن اي مشاكل، بل العكس احب أن أضع لكم ما يجعل الحياة أفضل من خلال كلمات تصل للقلوب والعقول بفائدة حقيقة.

اترك تعليقاً

لن يتم نشر عنوان بريدك الإلكتروني.