الرئيسية / معلومات عن السيارات / عيوب فيات تيبو مانيوال او اوتوماتيك 2021

عيوب فيات تيبو مانيوال او اوتوماتيك 2021

عيوب فيات تيبو مانيوال او اوتوماتيك 2021 موجودة مثل أي سيارة جديدة ولكن عيوب فيات تيبو 2021 وجدت مهندس أسامة وهو مهندس ميكانيكا قد تحدث عن بعض مواصفات محرك فيات تيبو مانيوال او اوتوماتيك وأحييت أن انقل اليكم هذه الإفادة عن مميزات وعيوب سيارة فيات تيبو 2021 في مصر.

____________________________

عيوب فيات تيبو 2021

بوست طويل شوية بس هيفيد اللى عايز يشترى تيبو اوتوماتيك ومقلق من حوار نقص الزيت اللى بيسمع عنه ويلا نتكلم عن عيوب فيات تيبو مانيوال او اوتوماتيك.

مبدأياً انا حاجز الفئة اولى اوتوماتيك (لسه مش مالك للعربية) واشتركت من فتره على كذا جروب عشان اعرف اكتر عن العربية.

وكنت عارف من قبلها بحوار تبخير ونقص الزيت ف المانيوال بس لقيت ناس معاها الاوتو وبتقول الزيت بينقص معاهم وان ده من عيوب فيات تيبو

هم كمان فقلقت بصراحه وسألت ناس كتير معاهم العربيه من فترة (ناس اعرفهم شخصياً مش ع النت) قالوا مانقصتش معاهم .. وناس كتير ع الجروبات كلمتهم وأكدوا الكلام ده .

اختلاف فيات تيبو مانيوال عن اوتوماتيك

بس فى ناس تانيه بتقول لا بينقص ف دورت ف الحوار ده على النت (بالانجليزى طبعاً) عشان ابعد عن قصص الفتى المصرى .. عن مميزات وعيوب الموتور ال١٤٠٠ الF.I.R.E عشان اعرف حقيقة عيوب فيات تيبو 2021 او اي موديل تيبو فيه نفس المحركات.

وهتلاقى فعلا في مواصفاته انه بينقص زيت والكل معترف بكده ومفيهاش جدال بما فيها فيات نفسها وجبت تاريخه من اوله وانهم بيعملوا كده عشان يزودوا الHP بتاع العربيه بعيد عن عيوب فيات تيبو في العموم.

وحاجات ملهاش لزمه تتشرح والصور بتاع جوجل اول ماتبحث عن مشاكل الموتور ده هتلاقيه كاتبهالك بالبنط العريض ف اول السيرش يعنى حاجه مفيهاش جدال ولا مستخبيه.

عيوب ومميزات فيات تيبو

اما الموتور ال١٦٠٠ اسمه E.torQ ودا برضو فيات بتستخدمه من زمان ف عربيات كتير يعنى مش لسه جديد بيجربوه والمستخدمين معرفوش عيوبه او حاجه.

مفيش أى موقع او اى مستخدم لمح حتى لحوار نقص زيت او تبخير وانا منزل الصور وممكن اى حد يعمل بحث بنفسه عن الموتورين ولو حد لقى حاجه بتقول ان الموتور ١٦٠٠ فيه مشكلة او تكنولوجيا نقص الزيت يتفضل ينزلها.

طب الناس اللى معاها اوتو وبتقول لقت الزيت ناقص دى بيكدبوا مثلا او بيحوروا؟ لأ جزء كبير منهم مش بيحور او بيكدب.

(دا مايمنعش ان فى جزء بيفتى وجزء تانى معندوش العربيه اصلاً كان بيفاضل بينها وبين نوع تانى وماجبهاش فبيحاول يقنع نفسه انه نجى من الفخ وانه ناصح فبيزيط ف الزيطة)

الزيت بينقص في فيات تيبو

لكن فى ناس لقت الزيت ناقص فعلاً بس دا لسببين ملهمش أى علاقه بتبخير زيت الموتور الأول: انه غالبا مستلم العربيه ومقاس الزيت ناقص شوية بس ماشيكش عليه (وغالبيتهم بيقول الجمله دى فعلا انه مش فاكر مقاس الزيت لما استلمها كان عامل ازاى)

والتانى: ان أى موتور جديد ف الدنيا بيستهلك كمية زيت فى فترة التليين لحد ما البساتم تكربن وبتبقا كمية مش كبيره حوالى ربع لتر او اكتر حاجة بسيطة

فلما الموتور بينقص خلال التليين مع نقصه اصلاً اللى مستلم بيه العربيه ويقرا الناس الى بتتكلم عن نقص الزيت فيشيك على الزيت عنده يلاقيه ناقص فعلاً وكمية كبيره

موتور فيات تيبو 2021

الخلاصة موتور المانيوال ال١٤٠٠ مختلف تماماً عن الموتور ال١٦٠٠ ف الشغل والتكنولوجيا والحصان وكل حاجه ..

ومفيش زيت بينقص فى الاوتواتيك (بعد التليين) ولو انت معاك عربية اتوماتيك والزيت لسه بينقص معاك بعد اول ١٠ الاف يبقى انت عربيتك معيوبه وليه بقول معيوبه لان الموتور المانيوال هو مصم لكده فدا مش عيب فيه خالص اما الاتوماتيك مش مصمم لكده نهائى.

نقص زيت الموتور فيات تيبو

فلازم تروح للتوكيل يغيرهولك او تشتكى ف جهاز حماية المستهلك لأن دى مشكلة عندك انت بس مش عند كل الناس

بكرر تانى انا لسه مش مالك للعربية بس انا مهندس ميكانيكا وبحثت عن نوع الموتورين وفليتهم .. الا بقا لو اللى مش مقتنع بكلامى عارف اكتر من اللى مصنعين الموتورين نفسهم عنهم.

عن Mohamed Hassan

مهندس يحب أن ينشر ما هو مفيد بعيداً عن اي مشاكل، بل العكس احب أن أضع لكم ما يجعل الحياة أفضل من خلال كلمات تصل للقلوب والعقول بفائدة حقيقة.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *