ازاي امشي بيتي بمبلغ 200 جنيه في الاسبوع في ناس بتسال عن ميزانيه البيت 1500 جنيه في 2023 او 1000 جنيه طبعا في ناس شغاله بمرتب قليل وبتسال اسئله زي دي واهم حاجه ربنا يبارك لكم في البليل لكن عجبني قوي سيده كتب التعليق لرد على هذا السؤال ربنا يكرمها وحبيت ان انا اضعه اليكم هنا حتى تستفيدون منه ولا تنسوا الدعاء لي ولمن كتبت هذه الفكره فقد تستفيدون منها وربنا يبارك لكم جميعا ان شاء الله.
ازاي امشي بيتي بمبلغ 200 جنيه في الاسبوع
بصي أولا ربنا يفرجها عليكي ويوسع رزقك لازم أول حاجة تطلعي ولو عشره جنيه صدقه بنية إن ربنا يباركلك ف رزقك وحاولي تعملي جمعيه ب 100جنيه هتقبضيها 1000وحاولي تخلي صاحبتها تديهالك بدري هتجيبي منها شيكاره أرز اللي هي25هتكون ب 650وتجيبي حوالي اتنين كيلو شعريه ب40.
تجيبي 4 ازايز زيت ب140وتجيبي بالباقي مكرونات الحجات دي هتنفعك وهتوفر معاكي اه وهاتي علبة مرقه دجاج ب 30كده دي الالف بتاعة الجمعيه وهيفضل المرتب زي م هو 900جنيه تجيبي فرختين وسط ف حدود300تعملي منهم كل وركين طاقه وممكن تقطعي الجناح بحته من الكتف هيبقي مناب برده وتعملي كل كتفين طاقه مع شوية أرز وسلطه وملوخيه او مع صنيه بطاطس كده اربع طقات طبيخ.
وتعملي ببقيت الكتف ممكن تفرميه مع بصله وتهرسي معاه بطاطسايه وبيضه وتعملي ناجتس أو ممكن تعمليهم بانيه مع مكرونه مسلوقه او ممكن تقطعيهم وتعملي منهم صينية مكرونه بالبشاميل والكبدتين والقونصتين ممكن تشوحيهم مع بصله وبردوا تعملي بيهم صنيه مكرونه بالبشاميل كده عدي كام طاقه وتعملي بقي مره مكرونه مسلوقه وبتنجان مقلي وبطاطس محمره أو بطاطس مسلوقه ببيض وجنبها بتنجان مقلي أو صينيه بطاطس وأرز أو مره شوية محشي.
وجود الأرز عندك ف البيت هينفعك تجيبي نص كيلو فول ب 18جنيه وتدمسيه هيوفر معاكي كتييير فطار وممكن غدا جنب بتنجان مخلل هاتي كيلو بتنجان ب6جنيه واسلقيه وخلليه هاتي كيلو جبنه قريش ب 40جنيه تعملي منه جنب بطيخ أو عنب هاتي كرتونه باهي ابو خمسه جنيه ووبحوالي 50جنيه فيها 12 كيس حلوه وهتوفر معاكي بإذن الله كده 300فراخ و50مسحوق و40جبنه و20فول والبطاطس هاتي بحوالي 30وهاتي ب30طماطم ولو مش بتاخدي عيش فكده هتجيبي بحواليى100وتجيبي بعشره بتنجان وعشره فلفل ومثلا حوالي اتنين كيلو بصل و100فاكهه وحاولي تمشي نفسك وشيلي أن شاء الله 100جنيه كل شهر او 50 لأي ظرف يارب أكون قدرت أفيدك وربنا يوسع رزقك ويعينك
