افكار هدايا لابن صاحبي المولود 2024 في ناس تعرفها زميلك في الشغل ابنه جيب السلامه يعني ولد وعايز تجيب هديه هنتناقش هنا ايه هي الهديه الممكنه مع اختيار احسن هديه تقدر تكون مناسبه ليك على حسب الميزانيه اللي انت هتقدر تدفعها بسعر كل حاجه تسال عليها ولكن سوف اعطيكم متوسطات ان امكن وافكار مختلفه على حسب اراء الناس التي قد شاركت في هذا التفكير جزاهم الله كل خير.
افكار هدايا لابن صاحبي المولود
كنت جايب هدية انسيال لطفل من شهر تقريبا
حدود ٣٢٠٠ جنيه ممكن تجيب حاجه زيه لو في امكانيه
لو مفيش ممكن تدي فلوس على قد امكانياتك ومردودة باذن الله.
حلق دهب او ربع جنيه دهب او ما شابه، او الافضل لو فيه عشم ظرف صغير بالمبلغ و معاه كارت فيه كلمتين حلوين.
حسب درجة الصداقة
ممكن خاتم أطفال صغير أو مصحف دهب أو أول حرف من اسمها دهب برده.
احسن هدية لطفل لسه مولود
من بين افكار هدايا لطفل لسه مولود سواء كان ابن زميلي او جاري انا من وجهه نظري تدي له ظرف في فلوس هو يحب يشتري بيها اللي نفسه فيه هو اكيد طالع من عمليه الولاده ومستلزمات الطفل الجديد البيبي واكيد محتاج فلوس عشان يا اما يشتري حاجات ثانيه او يدفع فلوس قديمه وهكذا.
ممكن مستلزمات الأطفال زي بامبرز أو هدوم أو شيالة أطفال أو سرير لو مش عندهم وكده ممكن الفلوس في ظرف.
في الايام الجميلة دي افضل علبة شيكولاته صغيرة وظرف صغير فيه مبلغ كويس افضل من اي هدية .
سعر خاتم أطفال نصف جرام
ممكن خاتم اطفال نص جرام ممكن يكلف 1800
ممكن تجيبي 2 باكيت بامبرز مقاس 2 و وايبس و مخدة رضاعة و شامبو اطفال و زيت للجسم.
حل لغز ثلاث فواكه بدون نقاط (اسماء سهلة)
كانت هذه اراء مختلفه عن افكار هدايا لابن صاحبي الطفل اللي لسه مولود اتمنى لكم كل خير ان شاء الله ويرزقكم ما تتمنوا من خير واسف عنكم كل سوء.
لو عندك اي افكار او فكره حتى واحده لطفل مولود ممكن تعطى له في العقيقه او بعد اسبوع من ولادته اكتب لنا الافكار دي عشان نقدر تفيد بها غيرك.
