الرئيسية / معلومات عن السيارات / عيوب مميزات ام جي اتش اس mg hs بالتفصيل المنجز

عيوب مميزات ام جي اتش اس mg hs بالتفصيل المنجز

عيوب مميزات ام جي اتش اس مطلوبة من اي شخص يريد او يفكر في شراء سيارة ام جي اتش اس بدون عيوب هامة تؤثر في راحة واداء سيارة mg hs 2021 او اي موديل اخر، لأن أول موديل من توكيل المنصور هو 2021 mg hs.

____________________________

عيوب ام جي اتش اس

هذه نصائح من شخص يريد الأضافه الى من يرغب في معرفه عيوب ومميزات سياره ام جي اتش اس في مصر حتى يعرف إمكانيات السيارة بالنسبة له متوافقة أم لا.

أنا لا معايا دي ولا معايا دي .. إنت ممكن طبعآ بين انواع سيارات من ضمنها انك عايز تعرف عيوب مميزات ام جي اتش اس و بتقارن بين عربيات علشان خاطر المبلغ اللي معاك.

أنا أخويا بيدور حاليا الفترة دي وإتفرجنا على mg HS وفكرنا في عربيات تانية زي

  • السبورتاج
  • الميتسوبيشي إكليبس
  • السوبارو

مميزات mg hs 2021

بص ال HS mg 2021  واسعة ما شاء الله في الكابينة وفي شنطتها البانوراما تقريبا بطول السقف كله ونص البانوراما بتفتح كفتحة سقف ال Ampient Light فيها بيديك إحساس جميل كإنك راكب عربية ألماني زي المرسيدس والبي إم دبليو.

من مميزات ام جي اتش اس ٢٠٢١ إن إرتفاعها عن الأرض جميل جدا العربية كمان فئة واحدة فبتريحك من اللخبطة في الإختيار بين الفئات والفئة دي فيها إيه ومفيهاش إيه والفئة الأعلى زيادة فيها إيه وبصراحة خيالية.

الفرق بين mg hs وسيارات suv اخرى

بالإضافة طبعا فيها ٦ إيرباج وتقريبا كل وسائل أمان الفرامل مع Electric Hand Brake و ال Auto Hold وكمان عندك الاختيار بين طرق قيادة مختلفة وال Full LED Light Technology.

وبتفرق أعتقد في الطرق الضلمة الموتور حامي ومحتاج تخلي بالك وإنت دايس برجلك علشان هتخليك مش عارف تتحكم فيها وتفضل تغريك على الجري.

عيوب سيارة mg hs

عيوبها من وجهة نظري المتواضعة مفيش فيها سينسور بارك أمامي ” بس من إمتى وإحنا بنحتاج سينسور بارك سواء خلفي ولا حتى أمامي بس عادي “.

مفيش فيها زجاج ملون ولا حتى ستاير بس من وجهة نظري دي مش عيوب تخليني طبعا ما اشتريش العربية، وكمان من ضمن العيوب زي ما بعض اليوتيوبر قالوا.

إن مثبت السرعة مش بيشتغل لما توصل للسرعة اللي إنت محتاجها وتضغط فيثبت السرعة لأ إنت بتفضل ضاغط عليه طول ما إنت ماشي لحد لما توصل للسرعة اللي انت عاوزها وتسيبه وبكده تم تثبيت السرعة.

مميزات سوبارو xv عن mg hs

السوبارو ال XV عربية جميلة جدا وإعتمادية وبصراحة مشفتش حد بيبيع العربية دي كسر زيرو وده من وجهة نظري المتواضعة لإن العربية بترضي صاحبها وبالتالي مش محتاج يفكر في غيرها وكمان فيها تكنولوجيا جميلة تساعدك في الطريق والقيادة ومساحات العربية من جوه مش وحشة وجي من عيوب مميزات ام جي اتش اس 2021.

عيوب مميزات ام جي اتش اس mg hs

ولكن من وجهة نظري ال HS اوسع وكمان مساحة الشنطة لصالح ال HS وكمان عندك وسائل أمان محترمة جدا في عربية فوق الجميلة والعملية, بعد كل ده انت لسه محتار .. يبقى تحدد إنت محتاج إيه في العربية وكمان محتاج العربية لإيه؟

هل بتسافر كتير ومحتاج الراحة والمساحة ووسائل الأمان والرفاهية وكل حاجة ولا انت محتاج عربية عملية وتستحملك؟

فارق معاك الصيانة وتوافر قطع الغيار خارج التوكيل أو لأ؟
فارق معاك المساحات الداخلية الواسعة ولا مش أوي؟
حاجات كتير محتاج تعرفها إنت محتاج إيه في العربية قبل ما تختار وتشتري .. مش تختار علشان المبلغ اللي معاك وبس.

ومتنساش العربيتين واخدين ٥ نجوم أمان في اختبارات الأمان بتاعة دول الإتحاد الأوروبي فالعربيتين ممتازين جدا في وسائل الأمان .. ولكن حدد إنت محتاج إيه وبالتوفيق إن شاء الله في اختيارك.

جزى الله خير من قام بكتابة هذه النصائح الهامة ولا تنسى الدعاء له ولنا وقولنا في الكومنتات هتجيب ام جي اتش اس ٢٠٢١ زلا اي عربية تانية

عن Mohamed Hassan

مهندس يحب أن ينشر ما هو مفيد بعيداً عن اي مشاكل، بل العكس احب أن أضع لكم ما يجعل الحياة أفضل من خلال كلمات تصل للقلوب والعقول بفائدة حقيقة.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *