تجربة شراء سيارة ام جي 5 – mg5

تجربة شراء سيارة ام جي 5 – mg5 من إحدى الأشخاص المحترمين ولقد رغبت في نقل ما كتبه جتى تعم الفائدة لمن يرغب في شراء سيارة ام جي 5 بصفة عامة حتى لو موديل 2022 ويقول مالك العربية mg5 التي تعتبر أكثر سيارة صيني مبيعاً في مصر وام جي زد اس من نوع suvs.

تجربة شراء سيارة ام جي 5

الحمدلله استلمت النهاردة
وزعلت اوي ان محدش قال لي علي اهم عيب ف العربية
كان المفروض تنبهوني قبل ما اشتريها واركبها
العربية فيها عيب صعب حد يتعامل معاه
العيب ده ان اللي بيركبها مبيرضاش ينزل منها ابدا
ناس كتير حاولت تنزلني و تخرجنى برا العربية لمدة ساعتين مفيش فايدة.

اول حاجة عملتها بعد الاستلام هي الغاء متابعة كل جروبات العربيات اللي كنت مشترك فيها و الغاء متابعة كل اليوتيوبرز و الغاء متابعة كل اللجان الالكترونية اللي ملهاش شغلانة الا انها تطلع القطط الفطسانة في اي عربية تستاهل .
هبدأ النهاردة اسد ودانى عن هري الفيس بوك و استمتع بعربية اشتريتها اسوقها و اتمتع برفاهيتها مش اشيل هم بيعها قبل ما اسوقها و اركب حتة صاج ب اربع عجلات عشان بس سهولة اعادة البيع.

وعموما سواء صح او غلط يبقي عالاقل كل واحد يعمل اللي يريحه من تجربة شراء سيارة ام جي 5 لأي شخص من اراء الناس في سيارة ام جي 5.
اعتقد محدش ابدا ممكن ينتقد امكانيات العربية دي . و مشفتش حد انتقد فيها حاجة اكتر من السعر . لكن كإمكانيات مشوفتش حد اختلف عليها .
عربية لو طلبت من اي حد يقيمها كعربية بدون ما يعرف ماركتها ايه هينبهر و يقول اشعار و يقيمها بنص مليون عالاقل لكن ساعة ما هتقول صينى هيقولك لا متسواش المبلغ ده .

تقوله عربية ممتازة فيها كل انظمة الامان من فرامل لايرباجز وخلافه والرفاهية بشكل يعني رائع .. ييجى يشوفها ينبهر ويقولك دي ياباني ولا ألمانى ؟ هتقوله صينى هيقولك لا ياعم اوعي بلاش .
طيب يا سيدى دى واخدة ٥ نجوم ف اختبارات التصادم هيعمل من بنها
هيفضل يمسك ف نقطتين
انها غالية علي صيني وانها ملهاش سوق .

هل سيارة ام جي 5 حلوة ولا فيها مشاكل

خلاصة الكلام من تجربة شراء سيارة ام جي 5 مع اراء احدى الناس في mg5
انا هسد وداني عشان استمتع ولما يبقي ييجي وقت البيع الله اعلم وقتها الدنيا ايه .
مش كل التويوتا بتبيع علي فكرة بسهولة زي الكورولا ومش كل الصينى وحش .
و المهم انك تجيب اللي يناسب احتياجاتك مش احتياجات اللي حواليك
اللهم اعطنى خيرها و اكفنى شرها
وحاولوا تلاقوا حد ينزلنى منها بقى وإن شاء اللله ممكن نتكلم عن عيوب سيارة ام جي 5 2022 قريباً وهنا فيديو حلو.

سعر ام جي 5 موديل 2022 في مصر

• 233 الف جنيه سعر الفئة الاولى ام جي 5 2022.
• 253 الف جنيه سعر الفئة الثانية ام جي 5 2022.
• 273 سعر الفئة الثالثة الاعلى تجهيزاً من ام جي 5 2022.