الرئيسية / معلومات عن السيارات / اراء الناس في هافال h6 بعد تخفيض سعر الفئة الاولى والثانية haval h6

اراء الناس في هافال h6 بعد تخفيض سعر الفئة الاولى والثانية haval h6

اراء الناس في هافال h6 سعر سيارة هافال H6 في مصر بعد تخفيض الأسعار وفيها عيوب ولا لأ والكلام من أراء الجمهور لان سعر هافال اتش 6 2022 نزل وحصل تخفيض سعر عليه كمان لان السوق في منافسين أقوياء ودلوقتي هتقرأ أراء الناس في هافال h6 بنفسك.

هو لما عربية تنزل بوفرة بحرق من اراء الناس عن العربية ( اللي هو فعلا مش موجود غير في معرض واحد تقريبا ) تبقى عربية وحشه و معلهاش طلب، و لما عربية توكيلها يخزنها عشان ينزل عليها اوفربرايس الناس تتجنن و تقول اه اكيد عربية جامدة الناس مش لاحقه تجيبها وده را] عام عن هالف اتش 6 او أي سيارة أخرى.

اراء الناس في هافال h6

يعني عربية ظهر فيها عيب صناعه ( في عربية واحده و غالبا بسبب البنزين ) زيها زي اي عربية تاني اوروبية او غيره و الناس بتحب تهاجم و خلاص.. و محدش خد باله من تصرف الوكيل اللي الناحية التانية مع منصور عربيات بالهبل جايبه مواتير مش عارف يعمل فيها ايه.. و عربية بقالها اسبوع ظهر فيها عيب صناعه رقدها جنب اخواتها ( كروس لاند اوروبي مش سيني ) محدش فضل يهري كتير فيها ليه زي اللي حصل مع هافال.

و اللي بيشتم و يقول من متخلف يجيب عربية ب 400 الف.. يا حبيبي كل واحد و ليه طريقة تصرفه و تفكيره مينفعش تشتم حد لمجرد انه مختلف عن تفكيرك .. حاول تبقى محترم في كلامك مع الناس
بالنسبه للصيانه مع هي معقوله اهي 23.5 الف و 21 الف، و بتركن لوحدها من غير غيارات و فتيس ويت و شوية كهارب حلوه في عربية حلوه وهذا من اراء الناس في هافال h6 الجديدة في مصر.

سعر سيارة هافال H6 في مصر

الفئة الرابعة من H6 و الجوليون مش موجودة و بالحجز من التوكيل و المعارض
و العربية اللهم بارك جميلة
و الفئة التانية فيها كل الامان و المواصفات بس مفيهاش البانوراما و يمكن ده اللي مخلي انها متوفرة
انا شارية فئة تانية و مبسووطة جدا بيها اللهم بارك

من أراء الناس عن سيارة هافال h6 2021-2022 بخصوص السعر عن الفة الاولى والثانية كلامك صح لاقيت ال H6 الهافال الفئه التانيه بخصم ٤٠٠٠ جنيه
وبعد الخصم 396 بس ازرق وابيض فقط.

عيوب هافال h6

ماهو طبعا مفيش مبيعات علي العربية خصوصا بعدالعميل اللي استلم عربية جوليان وبعد ما فول العربية عطلت ورجعلهم تاني وبدلولوا العربية بواحدة إلنترا عشان يلموا الموضوع وخصوصا العربيه لسه نازلة

بالعقل كده بس وواحدة واحدة. ادفع 400 الف جنيه في عربية صيني ليه. وانا قدامي تسعمية خيار في الفئة دي بالعبرطش. من اوكتافيا لكروس لاند لايكليبس لماليبو وليلة كبيرة قوي سعادتك وهذا رأي من مجموعة اراء الناس في سيارة هافال h6 2022.

انا رأيي أنها هتفشل زي الزوتي والسنوفا والجيلي وجالينا والهيما…. كل اللي اشتروها بيعيطو حاليا خصوصا من عدم توفر قطع غيار .
العربيات دي بيجيبوها يكسبوا فيها بس مش مهم عندهم المستهلك نهائي.

مشاكل سيارة هافال في مصر

العربيه دى هاتفشل زى عربيات كتيره صينى اختفت من السوق والى هايشترى هوه الى هايلبس هيه صافقه ووكيل عاوز يبعها وخلاص باى تمن علشان كده بينزل في السعر

الي يروح يدفع ٤٠٠ الف في عربيه صيني يبقي متخلف وفي عربيه زي كيا سبورتاج وهيونداي توسان اغلي منها ١٥الف وكوري ومتجربه وليها قطع غيار في كل حته

اكيد انا كنت ناوى اشترى . بس تسعير الوكيل مغالى فيه. مع جشع التجار اللى بيعملوا اوفر برايس، زى ما عملوا فى جيتور اكس 70 او جيتور اكس 95 وامتنعت عن الشراء لحد لما التجار والتوكيلات يبطلوا جشع.

تجرب شراء هافال h6  الفئة الرابعة

طب والجيتور x95ايه حكايتها الحجز ارتفع عند الوكيل من 10000الى 100000 والتسليم شهر يناير و معارض الوكيل خاليه منها. وموجوده عند بعض الموزعين والله اعلم اوفر كام

أنا مشترى هافال h6 الفئه الرابعة ب450000 بس مشاء الله جميلة فوق الوصف وهذه تجربة حميدة ورأي إيجابي عن شراء سيارة هافال من اراء الناس المتعددة في هافال h6 2021.

بصراحه يا صاحبى انا عمرى ما احط فلوس فى العربيه دى حتى ولو كانت مكسره الخليج اصل الوكيل هناك غير هنا فاذا كنا هنا شايفين الوكيل بيدبح فى الناس فى العربيات اللى رفعته السماء امال هيعمل ايه معانا فى الكنب ده بعد ما يعدى عليه كام سنه وعموما انا بحب اسمع كلامك فكل ما اقابل واحد هقوله متشتريهاش الا بخصم واللى ميرضاش يبيعلك سيبه وامشى.

عن Mohamed Hassan

مهندس يحب أن ينشر ما هو مفيد بعيداً عن اي مشاكل، بل العكس احب أن أضع لكم ما يجعل الحياة أفضل من خلال كلمات تصل للقلوب والعقول بفائدة حقيقة.

اترك تعليقاً

لن يتم نشر عنوان بريدك الإلكتروني.