الرئيسية / معلومات عن السيارات / عيوب فيات تيبو 2021 من رأي مالك العربية بنفسه مجرب

عيوب فيات تيبو 2021 من رأي مالك العربية بنفسه مجرب

عيوب فيات تيبو 2021 قد توارثتها من خلال ما قد قيل عن عيوب السياره فيات تيبو 2020 ولكني هنا انقل اليكم تجربه احد ملاك سياره فيات تيبو الذي لم يدخل ربنا يكرمه عن وضع هذه الافاده الى من يريد شراء فيات تيبو 2021 او غيرها من السيارات كسر زيرو 2020 او المستعمله من ما قبل ذلك واليكم الان الافاده.

____________________________

عيوب فيات تيبو 2021

ناس كتير عمالين يطلعوا القطط الفاطسه فى العربيه لحد ما كرهتوا الواحد فى العربيه الذي يملكها بنفسه ويقولون ان هناك عيوب كثيره في فيات تيبو 2021 او غيرها من الموديلات السابقه ولكن الان سوف اناقش معكم بعد هذه العيوب المتداولة.

فيات تيبو حلوة ولا وحشة

العربيه حلوه جدا والعفشه لا ناشفه جدا ولا حاجه متبقاش ماشى فى طريق كفر ابو معزه و تيجى تقول العفشه ناشفه.

وبعدين اللى ظهروا بيوجعوا و عنده مشاكل فى القطنيه يروح لدكتور عظام او دكتور علاج طبيعى مش يدخل على جروب الفيات تيبو و يكسر مجاديفنا ويقول في عيوب في سياره فيات تيبو.

  • العربيه على الطرق السريعه ممتازه وثابته ومافيش منها اى مشكله.
  • انا عامل بيها ٥٠٠٠ كم فى اقل من شهر مانيوال ٢٠٢١
  • متوسط استهلاك البنزين ٦.٥ لتر فى ال ١٠٠ كيلو فعلا
  • لكن لو حضرتك بتحب تقرص على العربيه متزعلش ان البنزين بيقل.

مميزات فيات تيبو 2021

العربيه صالونها واسع و شنطتها كبيره وتنفع عيله مكونه من ٤ افراد عادى

الموتور ال ١٤٠٠ اكيد عزمه اقل فاللى بيحب يجرى يجيب ال ١٦٠٠ لكن غير كده العربيه بتمشى وبتجرى و بتعمل كل حاجه

العربيه بتتخبط وبتتحك و بتتخربش وبيحصلها كل حاجه بتحصل لأى عربيه تانيه احنا مش مستهدفين ولا حاجه.

حقيقه مشكله الزيت في فيات تيبو

موضوع الزيت انا محسيتش بأى نقص لكن روحت التوكيل عشان خوفت من كتر الكلام وكانوا ناس محترمه جدا و مخدتش نص ساعه وطلعت بالعربيه تاني وشربت قهوه ببلاش كمان

اى عربيه. فيها مميزات و عيوب ده طبيعى وانا شايف ان العيب القاتل فى التيبو هو اضاءه الفوانيس العالى والواطى فعلا دى اكتر حاجه مضايقانى غير كده العربيه ماشاء الله عليها جميله جدا وانصح اى حد معاه تمنها يجيبها وحيرتاح جدآ.

حل كلمات شكرا جزيلا لكل من ساهم في هذا العمل ونقله ومن خلال من قام التجربه الفعليه لسياره فيات تيبو ونقل هذه المشاركه والايضاح لجميع من يريد شراء السياره او من كان يقوم بالتفكير فيها.

ولذلك نقوم ايضا بالشكر للسيد المهندس محمد بكر من خلال قناته على يوتيوب الذي يقدم جميع النصائح المفيده للجميع و نشكر الجميع اتمنى لهم كل التوفيق المحافظه على سياره من مذكره هذه التجربه لنا من خلال ايضاح ان كان هناك عيوب فيات تيبو 2021 او الموديلات السابقه مع ذكر المميزات من خلال تجربته الشخصيه لهذه السياره.

عن Mohamed Hassan

مهندس يحب أن ينشر ما هو مفيد بعيداً عن اي مشاكل، بل العكس احب أن أضع لكم ما يجعل الحياة أفضل من خلال كلمات تصل للقلوب والعقول بفائدة حقيقة.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *